Вельмі важна з ранняга дзяцінства прывіваць дзецям любоў да сваёй малой радзімы. Выхаванне любові да роднага дому, дзіцячага сада, свайго сяла – гэта і ёсць першая і самая галоўная прыступка ў маральна – патрыятычным выхаванні дашкольнікаў.

      Важна, каб словы "я люблю сваю Радзіму" не ператвараліся ў пусты гук, каб яркі, ёмісты вобраз Радзімы паўстаў у дзяцей ужо ў дашкольным узросце. З гэтай мэтай педагогі дзіцячага садка праводзяць забавы, конкурсы, выставы. І вось адна з выстаў малюнкаў дзяцей разам з бацькамі «Люблю мой край, старонку гэту"прайшла ў старшай групе нашага дзіцячага садка.